चट्याङ लागेर खोटाङमा दुईको ज्यान गएको छ । बिहिबार साँझ परेको चट्याङ लागेर हौंचुर–१ पैयाँकी ५९ वर्षीय कमलसरी राई र २९ वर्षीय देवी तामाङको ज्यान गएको हो । चट्याङ लागेर बेहोस बनेका उनीहरुको शुक्रबार बिहानपख ज्यान गएको स्थानीय दावा शेर्पाले जानकारी दिए ।
खार्मी–५ बोहोरीबोट घर भएकी राई माईती घरमा थिईन् । चट्याङ लागेर बेहोस बनेका सनमान तामाङको अझै होस खुलेको छैन ।घट्नास्थलतर्फ प्रहरीको टोली परिचालन गरिएको जिल्ला प्रहरी कार्यालय खोटाङले जनाएको छ ।
यस्तै, चट्याङले खार्मीका लेक गाउँ, गोपीखर्क, निगालेलगायतका घरहरुमा क्षति पु-याएको छ । विद्युतको मेल लाईन र घर–घरको लाईनमा व्यवस्थित अर्थिङ तथा राम्ररी वाईरिङ नगरिएका कारण एक ठाउँमा परेको चट्याङले सबै ठाउँमा धनजनको क्षती भएको छ ।
